140 yaşlı “Əkinçi” ruhu bizə nə deyir?


Bəs görəsən “Əkinçi” ruhu bizə bu gün nə deyir? Jurnalistlik və peşəkar jurnalistika nədir, necə oldu, necə olmalıdır deyir?

Bizə elə gəlir ki, “Əkinçi” ruhu dilə gəlsə bizə deyərdi ki, jurnalistika kütlənin axınına getmək deyil, kütləni axına gətirməkdir, jurnalistika hər üç verlişdən birinin maksimum empati ruhuna kökləyib, duyğulu, həssas insanları bir auditoriyada toplamaq deyil, jurnalistika təhsilsiz insanları “sən, cahilsən”, “qanmazsan”, “niyə oxumamısan?” deyərək alçaltmaq deyil, səmimi, məntiqli bir dillə, öz mədəniyyətini, intellektual zərifliyini nümayiş etdirməklə təhsilə həvəsləndirməkdir, jurnalistika tənqidi yazılarda xalqı söymək deyil, tənqidlə təhqiri səhv salıb, sonra mən beləyəm demək deyil, jurnalistika göstərməkdir, gözə soxmaq deyil, amma yenə də “Əkinçi” dilə gəlsə yaxşılar bizdəndir, yamanlar bizdən deyil deməzdi, yaxşısı da, pisi də bizdəndir, bizimdir, özümüzküdür deyərdi, çünki belə deyirdi, belə demişdi vaxtında.

Ardı aşağıdakı linkdə…… Oxumağa davam et

Advertisements

“Yuxu, yuxunun sirləri”


 

Qədim zamanlardan bəri insan bəşəriyyətini düşündürən və həmişə maraq mərkəzində saxlanan məsələlərdən biri də yuxudur. Yuxu haqqında ədəbiyyatımızda “qara ölüm”, “kiçik ölüm” kimi ifadələrə rast gəlinir. Yuxu həm şifahi, həm də yazılı ədəbiyyatımızda öz təzadlı xətti ilə seçilir. Belə ki, bəzən yuxu xoşbəxtlik gətirən vasitə, bəzən isə ölüm, dərd gətirən hal kimi qiymətləndirilir. Oxumağa davam et

Qaralama şeir: “Sevmək”


b078803c165629689fa4b4d7c735fe6c_1309367609
Sevmək nədir desələr..!?
Sevmək sənlə rastlaşmaq,
Titrəyən əllərinlə tutmağındır əlimi,
Sevirəm deməyindir o gözəl gözlərinlə,
Ya da ovundurmaqdır o şirin sözlərinlə…
Sevmək qucaqlamaqdır,
Bircə dəfə…
Bir dəfə sarılmaqdır boynuna,
Bir dəfə aldanmamaq,
Bu fələyin oynuna,
Bir dəfə opməyindir,
Bir dəfə qoxlamağın..
Sevmək sən deməkdir,
Bəlkə də sənə həsrət,
Düşündükcə, düşünən,
Bir dəfə gəlişinə…
Gəlişinə sevinən,
Bəlkə də sevmək elə…
Bəlkə də mən deməkdir…!

Zümrüd Cavid

Qaralama şeir “Adsız”


20091228143733885

Ayrıldıq…
……Günlərim keçir beləcə,
gah orda, gah burda,
durğun, sakitcə,
Çırpınan ürəyim,
sığmırdın evə,
indi sığışmısan,
kədərli otağın,
nəmli küncünə.
Musiqin nisgilli,
özün nisgilli,
ürəyim qandadır,
bir bilsən necə…
Sözləşdik, ayrıldıq,
geriyə unutmaq,
qaldı sadəcə…
Unutmaq asandır,
uç günlük bir şey,
sənin aləmində, sənin zənnincə…
Necə unudasan yaşantıları,
sevincli günləri, gözəl anları?
Səni düşündükcə ,
hər saat, hər an
xəyalın əl çəkmir
gündüz, nə gecə….
Unutsan xəbər et,
sən onu bircə,
Qoy bilim unutdun,
sən məni necə….?!

Zümrüd Cavid

“Aldatma”-“Aldanmaz” (Yazar Etibar Salmanovun şeirinə cavab olaraq)


A L D A T M A

Sevirəm mən səni, ay gözəl üzlüm,
Gəl danış mənimlə sən şirin sözlüm.
Sən bax gözlərimə, ay qara gözlüm,
Qəlbim sənə bağlı, de necə çözüm.

Mən sevdikcə sən oyunlar oynama,
Hisslərimi daşdan-daşa sən çalma.
Mən sənə inandım, sən gəl aldatma,
Qəlbimi hey yaralayıb, ağlatma.

Üzün aydan gözəl, qəlbin qap-qara,
Qara gözlərinin aynası qara.
Baxdıqca gözlərinə, dünyam qara,
Saxta baxışların qəlbimə yara.

Yetər bu oyunlar, daha oynama,
Məni oyunlarda sən avam sanma.
Yalan sevgin, saxta gülüşlərinlə
Etibarı gəl bu qədər aldatma.

ETİBAR. 30.06.2015.

ALDANMAZ

Sevirsən sən məni, gözəl üzlüyəm,
Gəl danış mənimlə, şirin sözlüyəm,
Gözlərinə baxan qara gözlüyəm,
Bir az gözəl, bir az da həm nazlıyam.

Qəlbin mənə bağlı, mən sənə bağlı,
Könlümlə oynama, könlüm yaralı,
Hisslərin daşlarda, sevgin haralı?…
İnamın güvəndə, yalan aralı.

Üzüm aydan gözəl,qəlbim aynadır,
Qara gözlərim də sudan sonadır,
Bax sən bu gözlərə dünyan ordadır,
Saxta baxışlardan çox uzaqdadır.

Oyunlar olmasa sevgin sınanmaz,
Sevgidə möhkəmlər avam sanılmaz,
Yalan gülüşlərdə itməz, son almaz,
Yalan sevgilərdə sınmaz, aldanmaz….!

Zümrüd Cavid